ટામેટાની ખેતીમા જીવાતો અને તેનુ નિયંત્રણ રોગ અને તેનુ નિયંત્રણ....

જીવાત નિયંત્રણ

લીલી ઇયળ

એક જ ઇયળ એક કરતાં વધારે ટામેટાને નુકસાન કરે છે. ઇયળ નિયંત્રણ માટે 2-3 ટ્રેપ/એકર પ્રમાણે ફેરોમેન ટ્રેપ લગાવવા. ઉપદ્રવીત ફળને તોડી જમીનમાં દાટી નાશ કરવા. વાવણી ના 45 દિવસ બાદ 7 દિવસ ના અંતરે 6 વાર ખેતરમાં છોડો: 20000 ટ્રાઇકોગામાં / એકર (1 ટ્રાઇકોકાર્ડ / એકર). રાસાયણિક નિયંત્રણ માટે, ઇંડોક્ષાકાર્બ14.5SC (સરવાદા/અવાંટ) @5ml + સ્ટિકર (સંદોવિત/અપ્સા80) @6ml/10Ltr પાણી અથવા સ્પીનોસેડ45SC (સ્પીન્ટોર, ટ્રેસર) @7.5ml/15Ltr પાણી અથવા ફિપ્રોનિલ 5SC (રિજેંટ, રેબીડ, ફેક્સ) @ 30ml/15Ltr પાણી અથવા લેમ્ડાસાઈલોહેથ્રિન5EC (કરાટે, સિલ્વા પ્લસ, રીવા 5) @7.5 ml/15Ltr પાણી અથવા થાયોડીકાર્બ 75WP(લાર્વીન, ચેક) 40 ગ્રામ/15 લિટર પાણી મુજબ છાંટો.

પાનકોરિયુ

પાનકોરિયાથી પાન પર સફેદ લીટીઓ પડે છે, પાનકોરિયા નિયંત્રણ માટે પાકની ફરતે દિવેલા/ગલગોટા વાવો. તેના પર નિયમિત રીતે દવા છાંટો. નિયંત્રણ માટે એબામેક્ટીન1.9EC (વર્ટીમેક/એબસીન) @6ml/15Ltr પાણી અથવા 20gm ડાયફેન્થિયુરોન (પેગાસસ, પજેરો)/15Ltr પાણી અથવા સ્પાઇરોમેસિફેન240SC (ઓબેરોન) @18ml/15Ltr પાણી અથવા એસિફેટ50% + ઇમિડાક્લોપ્રીડ1.8SC (લાન્સરગોલ્ડ) @50gm/15Ltr પાણી અથવા ફ્લોકેમિડ (ઉલાલા) @6ml/15Ltr પાણી પ્રમાણે છાંટો.

સફેદમાખી

સફેદમાખી પાનમાથી રસ ચૂસે છે. જેનાથી પાન કોકડાઈ ને સુકાઈ જાય છે. નિયંત્રણ માટે 20gm ડાયફેન્થિયુરોન (પેગાસસ, પજેરો)/15Ltr પાણી અથવા સ્પાઇરોમેસિફેન240SC (ઓબેરોન) @18ml/15Ltr પાણી અથવા એસિફેટ50% + ઇમિડાક્લોપ્રીડ1.8SC (લાન્સરગોલ્ડ) @50gm/15Ltr પાણી અથવા ફ્લોકેમિડ (ઉલાલા) @6ml/15Ltr પાણી પ્રમાણે છાંટો.
રોગ નિયંત્રણ

ધરૂનો કોહવારો

આ રોગમાં બીજ જમીનમાં અંકુર પહેલા સડી જાય છે.

નિયંત્રણ:

ધરૂવાડિયું એક ની એક જગ્યાએ કરવું નહિ.
ધરૂવાડિયા માટેની જગ્યા ઉચાણાવાળી અને જમીન સારા નિતારવાળી પસંદ કરવી.
ધરૂવાડિયા માટે પસંદ કરેલ જગ્યામાં ઉનાળામાં ઊંડી ખેડ કરવી.
હમેશા ગાદી ક્યારા પર ધરૂ ઉગાડવું.
ધરૂવાડિયા ની જગ્યા પર રાબીંગ કરવું.
ધરૂવાડિયા માટે પસંદ જગ્યામાં સોઇલ સોલેરાઇઝેસન કરવું.
બીજને વાવતા પહેલા 3 ગ્રામ થાયરમ કે કેપ્ટાન દવા નો 1 કિલો બીજ ને પટ આપવો.
અસરગ્રસ્ત છોડના મૂળવિસ્તારમાં 30gm કાર્બેંડાઝીમ12%+મેંકોઝેબ63%WP(સિક્સર,સાફ)/15Ltr પાણી મુજબ રેડો.

આગોતરો સુકારો

પાન પર ભૂખરા વર્તુળાકાર ટપકા પડે છે. રોગની ઉગ્રતા વધતાં ટપકા ભેગા થતાં પાન સુકાઈને ખરી પડે છે. નિયંત્રણ માટે બાઇટરલેટોન25WP (બાયકોર) @30ગ્રામ/15 લિટર પાણી અથવા ક્લોરોથેલોનીલ (કવચ, ડેકોનીલ) @30ml/15Ltr પાણી અથવા ટેબૂકોનાઝોલ250EC(ફોલિકુર, ટોર્ક) @15ml/15Ltr પાણી અથવા કાર્બેંડાઝીમ12%+મેંકોઝેબ63WP (સાફ, કોમ્બીપ્લસ, ડેલમિક્સ) @30gm/15Ltr પાણી મુજબ છાંટો.

કોકડવા

આ રોગના વિષાણુ સફેદમાખી થી ફેલાય છે. સફેદમાખી નિયંત્રણ માટે 20gm ડાયફેન્થિયુરોન (પેગાસસ, પજેરો)/15Ltr પાણી અથવા સ્પાઇરોમેસિફેન240SC (ઓબેરોન) @18ml/15Ltr પાણી અથવા એસિફેટ50% + ઇમિડાક્લોપ્રીડ1.8SC (લાન્સરગોલ્ડ) @50gm/15Ltr પાણી અથવા ફ્લોકેમિડ (ઉલાલા) @6ml/15Ltr પાણી પ્રમાણે છાંટો.

સ્પોટેડ વિલ્ટ વાયરસ

આ રોગમાં પાન અને પાકા ફળ પર ગોળ કે અનિયમિત આકારના ચાઠા જોવા મળે છે. પાન જાડા થઈ જાય છે. આ રોગના વિષાણુ થ્રીપ્સથી ફેલાય છે. થ્રીપ્સ નિયંત્રણ માટે ફિપ્રોનિલ5SC (રિજેંટ, રેબીડ, ફેક્સ) @30ml/15Ltr પાણી અથવા ઇમિડાક્લોપ્રીડ 350 SC (કોન્ફિડોર સુપર) 30 મિલી/એકર, 200 લિટર પાણી અથવા લેમડાસાઈલોહેથ્રીન5EC (કરાટે,રીવા) @15-20ml/15Ltr પાણી મુજબ છાંટો.

ગઠવા કૃમિ

કૃમિ માત્ર મૂળ ને નુકસાન પહોચાડતા નથી પરંતુ અનેક રોગો નું મૂળ છે. આગોતરા નિયંત્રણ માટે ગલગોટા આંતરપાક તરીકે વાવવા. અને 1 ટન/હેક્ટર મુજબ લીમડા નો ખોળ જમીન માં ઉમેરવો.
મરચાં, રીંગણ આંતરપાક તરીકે લેવા નહીં. આ પાક કૃમિ ને અનુકૂળ છે અને તેનાથી કૃમિ ફેલાય છે.
રાસાયણિક નિયંત્રણ માટે ફોરેટ 10G @10-20 gm/ છોડ અથવા કાર્બોફ્યુરાન 3G @20-40gm/ છોડ મુજબ છોડના મૂળ આસપાસ રિંગ માં આપી માટી થી ઢાંકો.

  ટપકાનો રોગ

આ રોગ સામાન્ય રીતે ઓગસ્ટથી સપ્ટેમ્બર માસ દરમ્યાન જોવા મળે છે. પાન, થડ અને ફળ પર શરૂઆતમાં નાના, મોટા ટપકા થાય છે. નિયંત્રણ માટે સ્ટ્રેપ્ટોસાયકલીન @1gm + કોપરઓક્સિક્લોરાઈડ50WP (બ્લૂ કોપર) @ 45gm / 15ltr પાણી મુજબ છાંટો.

ફળની ટોચનો સડો

વિકસિત ટામેટાંના ફળની ટોચના છેડે ગોળ ચાઠા થાય છે. ઘણીવાર ફળ કોહવાઈ જાય છે. દેહધાર્મિક વિકૃતિ ને કારણે આ રોગ થાય છે. ભેજની ઉણપ, તાપમાનમાં ફેરફાર, નાઇટ્રોજન ખાતરના વધુ ઉપયોગથી આ રોગ વધે છે.